Moderne arkitektur er i fare

Den moderne arkitekturen er i fare. Ingen står opp og forsvarar nyare bygg når nokon finn det for godt å riva, byggja om eller byggja på.

Arkitektur som er for ung til å ha fått status som verdfull og verneverdig, har ingen fast forsvarsadvokat. Og arkitekten som teikna det opphavlege bygget, blir sett på som brysam om han set seg imot ei planlagd endring.

I 1963 fekk Bergen landets første kjøpesenter, på Sletten. Eit funkisanlegg av Arne S. Halvorsen, typisk for si tid. Tilsvarande bygg i byen Tapiola i Finland blei freda. Dit blir det framleis arrangert guida arkitekturturar frå Helsinki.

Det som i Finland blei ein attraksjon, vart øydelagd i Bergen. Sletten Senter er ombygd, funkisanlegget er borte.

Moderne arkitektur er i fare - bt.no